Esti ye un instrumentu nuevu según diz esti rapaz. Díxonos que se llama Hang que quier dicir mano en suizu alemán y tócase como´l yembé pero da unes cuantes notes; diz que lu fae un matrimoniu suizu que dempués de muncho estudiar, dió en facer esta potona con una aleación de metales que namás ellos saben, dempués martiellen fasta dar el tonu (ta en Re que según diz ye´l tonu de la vibración del cuerpu humanu) y lluéu nunos cuenquinos que se puen ver al rodiu, cuando los toques da notes fa, fa#, la y do según dixo, por baxo tien un furacu como si fora la boca d´un cántaru.
Ye raru abondo y el soníu que fae tamién; ye un amecío ente rítmu y melodía y acabante llegar a casa ya anduvi a la gueta d´ello nel yotuvi, y alcontré esto: http://es.youtube.com/watch?v=3LfJLvuZqmQ&feature=related
Por ciertu esti rapaz taba pidiendo a la vera la catedral de Granada y pela nueche taba sentáu nunes escaleres y mazaba la potona esa acompañáu d´otru rapaz con un caxón flamencu.
Buenu equí otru enllace pa que echeis una güeyadina: http://es.youtube.com/watch?v=17ojj7tgrqw&feature=related
No hay comentarios:
Publicar un comentario