Zanfones de Sedo

Esta ye la nueva páxina (polo menos pa mi) del luthier catalán Sedo. Ta perguapa y pues atopar tolos modelos de zanfones (viola de roda) que fai.

Gotschy escritor

Esti paisanu cada día caeme meyor. Déxovos l'enllaz de la so novela. Ta en alemán y nun entiendo nada, pero ya sólo con esa cara de buen rapaz que tien ....

http://www.papayabuch.de/

Taller sobre la mecánica y mantenimiento de la zanfona

La escuela de musica tradicional de Llangréu organiza un taller sobre la mecánica y mantenimiento de la zanfoña pal sábadu 28 de Marzu. La persona encargada de impartilu ye Dani Rozada, luthier asturianu de zanfones y bandurries.

La información completa del taller tienesla nel blog de la escuela de Llangréu.

Partitures asturianes

La web de Piloche ye la que más partitures asturianes tien. Les canciones tan en formatu midi y/o bmp.
Atopense dellos cancioneros clásicos(Torner, Maya y Lavandera, Baldomero Fdez...) y tamien los métodos y cancioneros de gaita más modernos (Conseyeria, Flavio, Xuacu Amieva, Guti, Manolo Quirós...). Na sección de asturianes, ye interesante la cantida de jotes que tien publicaes.

Gracies a Piloche por esti trabayu tan grande y desinteresáu, y por poner al alcance de toos la música tradicional asturiana.